طبعا كلكم تعرفو الكدش وهل يخفى القمر خخخخخخ
والي مايعرفو انا اقولو ايش يكون الكدش
تعريف الكدش:هو مخلوق يربى فوق الراس وياتي منه عده الوان حسب الطلب اسود بني اخضر...الخ
طبعا اذا تبغى تربي كدش هناك شروط لازم تعملها وتسويها والي هيا:
اول شي لازم تكون فلااااوي
وتكون ماتزعل من المزح يعني تتقبل المزح لانك راح تنحش كتير لليل
وتاني شي لازم ماتكون مثقف
وتاالت شي ماتلبس نظاره لانو راح تمسك في كدشك وتتكسر ولازم نظاره جديده ودا الكلام ماينفع كل يوم حروح اشتري نظاره مايسير
ورابع شي كل الامشاط والفرش وكل شي يمشط به الشعر يتكسر او يترمي لانو ماراح تحتاجها فا ليه تخزن عندك اشياء مالها داعي
وطبعا واخيرا لازم يكون عندك اطواق للشعر لفصل الصيف عشان الجو فيري هوت >>خخخ
ومن وظايفه :
1ـ حماية الراس من الصدماااات الشمسيه والصعقات
2ـ الام طلبت من ابنها يروح السوبر ماركت ولا اقرب بقاله علشان يشتريلها سلك نحاس بدل ماينزل ويتعب نفسوو ممكن يستخدم قطعه من الكدش سلك نحاس وبكدا يكون وفر على نفسو الذهاب للسوبر ماركت والحلاق <<<خخخخ
3ـ وكمان من فوائده انو ممكن يكون بيت لبعض المخلوقات الحيه طبعا مافي داعي للاحراج وذكر الاسامي خخخخ
4ـ واذا عندك شي تبغى تخبيه ومنتا عارف فين ؟؟ ليه التفكير اقرب مكان كدشك
5ـ وكمان اذا كنت في طلعه شباب وكدا ونسيتو المناديل وتبغى تمسح ايدك من اي شي >> افركها في الكدش وهوا يؤدي الوظيفه على اكمل وجهه
نجي لطريقة التربيه
>> هنا المهم :لازم تتبع دا النظام الغذائي لمدة اسبوعين
الفطور:
جبنه بيضه منهي تاريخها من سنه خخخخ
تشرب معاها شاهي بايت من امس حط ليمون عشان يقتل الجراثيم
الغداء:
مولخيه بالضفادع مع الرز وبعدها اشرب داناو (موز برتقال جزر )حطه في كوب ونجيب بيض
نيه ونفقعها فوقو ونشربو<<< ياسلااام احلى طعم
العشاء:
تروح لمطعم تكون سامع انو سارت عندو حالات تسمم بالهبل وتاكل عندو
بعدو كيك بالشطه واشرب عصير البصل وعليه شوية ثوم (( للنكهه)) خخخخخخخ
واخر الليل عشان الهلوسه اشرب بايسن منتهي تاريخه
وبالنسبه للاستحمام كل ربع ساعه عشان تفضل تمام اللفلفه والالتوائات والانحنائات <<كانو شرح درس جغرافيا خخخخخخ
وجربو واعملو كدش وبعد اسبوعين قولولي النتيجه
بالنسبه للي ماعجبو الكدش
هادي طريقه للتخلص منو
تجيب حق العشب مادري ايش يسمو اظن خنجر خخخخخخ
وتدبح الكدش خخخخخخ
تحذير :
لذوي الروؤس الصغيره لاتسوي كدش لانو ماراح تبان ملامح وجهك خير شر
وانتبه تجلس جمب واحد ياكل لبان لان الكدش سريع الجاذبيه للبان زي ماقال نيوتن
ملطووش
الرئيسية 
أحدث الصور 
التسجيل 
دخول 
