الم وحنين
بسم الله الرحمن الرحيم
هذي اول مشاركه لي في الرويات والقصص وان شاء الله تنال اعجابكم
تتحدث القصه عن بنت عمرها 18 سنه مواصفاتها ماهي طويله ولا قصيرة بيضاء البشرة عسلية اللون هادئة الملامح كانت البنت الوحيده بين ولدين وليد الاخ الاكبر واكبر منها بسنتين بس وفارس الاخ الاصغر واصغر منها باربع سنين
كانت سارة في اغلب الاوقات مع بنت خالتها ريناد او بنت عمها رانيه وعهد وكلهم تقريبا في نفس السن
اما عن امها فهيا دكتوره في الجامعه واحيانا ترجع البيت متاخر علشان المحاضرات
اما ابوها فهو دائما خارج البلاد علشان شغله وهو يشتغل كابتن طيران يعني باختصار طيار وكل رحلات للخارج تقريبا
(عيلة ابورامي)
رامي الولد الاكبر والوحيد عمره 21 ويقربوا لسارة عيال عم
رانيه البنت الوحيده واخر العنقود عمرها 18
(علية ابو فادي)
ريما البنت الاكبر ومتزوجه وعندها بنت اسمها في وعمرها2 يقربوا لسارة عيال عم
فادي الولد الوحيد وعمره 25
عهد اخر العنقود وعمرها 18
(علية ابو مشعل)
مشعل الولد الوحيد وعمره19ويقرب لسارة ولد خالها
شهد البنت الوحيده واخر العنقود عمرها 15
(علية ابو حسن)
حسن الولد الاكبر وعمره 28ويقرب لسارة ولد خالتها
محمدالاخ والوسطاني وعمره 23
وسام الاخ الاصغر وعمره 19
اول اسبوع من اجازة الصيف
ام وليد- سارة يلا قومي كفايه نوم
سارة- ماما روحي روحي انا سامعه بابا بيناديكي---------<تصريفه
ام وليد- ابوكي سافر من العصر وسال عنك-------------<كسحه
سارة- طيب روحي جوالك بيرين شوفي من بيتصل عليكي روحي
ام وليد- سارة انا خارجه انا وريناد وبعدين انتي ماتستحي بنت خالتك بايته عندنا وانتي تاركتها ونايمه
سارة- يعني يا ماما رينوا اول مره تبات اصلا كانها عيشا معنا ماباقي غير تجي تروح معايا المدرسه
ام وليد- ايت مدرسه ياحسرتي خلاص سرنا بنات جامعه المهم قومي نروح تنغدي ونروح سيتي بلازا اتفرج واجي
سارة وهيا قايمه من السرير- اصلا انتي دائما كيده اروح اتفرج وتطلعي بالمحل كلوا
قامت سارة وبسرعه لبست علشان امها وريناد تحت يستنوها
في السيارة
سارة- اف وربي الا يشوفني موراح يقول دي البنت منتصربعه راح يقول أي شي تاني اخس منوا
ريناد- ههههههههههههه والله شكلك مصخره فن تستك
سارة- مين قدك يختي صاحيه بدري زي الدجاج
ريناد- والله انا ماصحيت امك صحتني
سارة- اهاااااااااااااا قولي كيده ولا وتقولي انتي ماتستحي تاركه بنت خالتك صاحيه
ام وليد- خلاص سكوها سيرة المهم فين تبغوا تتعشوا
سارة- قصدك نتغده انا ابغه ماكدونالدز
ام وليد- انا ماعمري شفت ناس يتغدوا الساعه6 العصر
ريناد- لاعادي نحنا نتغدي كل يوم كيده-----------<كسحه
سارة – يور-------------<(اسم السواق) روح ماكدونالدز
وصلوا البنات على المطعم واكلوا ودحين رايحين السوق
(ستي بلازا)
ام وليد- يابنات انا داخله سي بلاش طيب فين الاقيكم
سارة- في ستار بكس جالسين
ام وليد- صح سارة بنت عمك رانيه دقت عليا وسالتني عنك وقالت اشبك ماتردي على جوالك قلتلها نايمه تبغاكي دقي عليها
سارة- اوك دحين ادق عليها
ريناد- سارة ايش تبغي تشربي انا عازمتك
سارة- لا لا ياحلوه امس انتي اليوم انا
سارة- هااااااي لو سمحت ممكن اتنين فرايبتشينوا
الولد الايشتغل- هاااااااااين كوفي ولا كراميل
سارة- كوفي اكسترا كراميل بليز
الولد- الساينز
سارة وسط
الولد- 30لوسمحتي شي تاني
سارة- اتنين بن كيك
الولد اوكي
جلست سارة وريناد فوق طاولة
ريناد- الله يقطع شيطانوا شوفي الولد الا طلبلنا كيف يطول فينا راح يخرمنا بعيونوا
سارة- طنشيكي منوا خليني ادق على رانيه
سارة- الو هااااااااااااي رنوا كيفك ياوحشه
رانيه- هاي وحشتني انتي الا فينك وربي كسرت الجوال عليكي
سارة- شفت المكالمات اصلا المهم تعالي عندي البيت شويه انا رايحه
رانيه- ليه فينك يدواره
سارة- لا والله رحت اتغديت وانا دحين في السوق مع ماما محل واحد وراح نرجع
على فكرة ريناد عندي
رانيه- والله حتي انا عهد عندي من امس بايته
سارة- طيب خلاص جبيها وتعالوا اسهروا عندي بابا مسافر عندوا رحله على ماليزيا ومو راجع اليوم المهم استناكي اوك
رانيه- خلاص اسل ماما والبس واجيكي سي يوه
سارة- اوك سي يوه
ريناد- ها ايش قالتلك جايه
سارة- ايوه هيا وعهد
ريناد- عهد عندها
سارة- اوه من امس بايته عندها
ريناد- سارة امك بتاشر لينا يلا
سارة- يلا ريناد مو كانوا في واحد مع ماما
ريناد- ايوه مين داه
سارة- ماادري امشي نشوف
ام وليد- سارة محمد ولد خالتك هنا
سارة- اهااا وانا اقول مين داه
محمد- كيفك سارة
سارة -الحمد لله كيفك انته
محمد –الحمد لله هاااااي رينوا كيفك
ريناد- ماشي الحال كيفك انته والله ليك وحشه
محمد- معليش والله مشغول ابويا مسافر وانا ماسك معرض السيارات معاه
ام وليد- ها يلا على البيت سارة ايش قالتلك رانيه
سارة- قالت دحين تجي هيا وعهد
ام وليد- طيب يلا علشان وليد ومشعل ولد خالك جاين على البيت قلتلهم تعالوا اعشيكم ابل بيز يلا حمودي معنا
محمد- والله مدام ابل بيز اوكي
الرئيسية 
أحدث الصور 
التسجيل 
دخول 
